Kripa mbron këmbët nga djersitja gjatë verës

Këpucë me vrima ajrosjeje dhe pa taka gjatë verës, për këmbë të shëndosha

Djersitja e këmbëve gjatë verës është një shqetsim i njohur. Këmbët prodhojnë rreth dy gota uji djersë në një ditë.
Djersa në këmbë është armiku i këmbëve.

Kuptohet që gjatë verës këmbëve nuk u kushtohet ajo përkujdesje që u kushtohet p.sh. duarve. Por kur këmbët janë të lagështa dhe atyre nuk u kushtohet
vëmendja e duhur rritet edhe rreziku që këmba të zërë këpurdha. Kështu nëse këpucët pa vrima ajrosjeje vishen pa çorapë, kjo nuk është aspak ide e mirë.
Edhe nëse vishen çorapë, këpucët duhen lënë të thahen herë pas here.

Çorapet që thithin më mirë djersën janë ato të përbëra prej një përzierje pambuku dhe akriliku.

Në vend të përdorjes së deodorantëve do të ishte më mirë që këmbët të laheshin në ujë me kripë me kokrriza të trasha. Në këtë mënyrë njeriu djersit më pak
në këmbë.

Edhe këpucët janë të rëndësishme sidomos kur kihet parasysh se këmbë të shëndosha janë ato të cilave u vishen këpucët e duhura. Studiuesit kanë zbuluar
se këpucët më takë të trashë janë po aq të dëmshme për shtypjen që gjen vend në kyçin e gjurit posa edhe sandalet me taka të larta.

Është e këshillueshme që sa herë të jetë e përshtatshme, të ecet këmbëzbathur gjatë verës. Kjo stimulon shputën si dhe bën që këmbët të marrin frymë. Të
ecësh këmbëzbathur ka edhe një efekt psikologjik, ne na duket vetja më në formë kur ecim pa këpucë.