Universiteti Amerikan i Tiranës ka çelur në kuadrin e aktiviteteve të Fakultetit të Arkitekturës dhe Arteve Figurative, ekspozitën e arteve pamore me krjime artistike në fushën e arteve të aplikuara si qeramikë, mozaikë, vitrazh, projekte tapetesh figurale, skulpturë parku si dhe fotografi artistike me shtatë autorë, artistë të mirënjohur në fushën e arteve të aplikuara. Fatbardh Marku paraqitet me disa vitrazhe të realizuara në material qelqi me ngjyra dhe me motive floreale, ornamente të ndryshme si dhe me figurën e njeriut. Josif Droboniku prezanton disa nga variantet apo fragmente të realizuara si punime paraprake për të realizuar mozaikun e madh të kupolës në Katedralen e re Ortodokse në Tiranë.
Mira Kuçuku sjell tre punime në qeramikë të glazuruar, dy prej të cilave janë me ngjyra të qarta dhe dekorative, ndërsa e treta është vazoja dekorative e vendosur mbi një mbajtëse të realizuar në teknikën e hekurit të rrahur. Vasiliev Nini ekspozon nëntë skulptura dhe bocete disa prej të cilave i ka realizuar në ambiente dhe sheshe të ndryshme në SHBA ku ai ndodhet, në teknika të ndryshme si bronx, mermer e materiale të tjera. Hajdar Denjolli merr pjesë me katër kuadro si projekt ide për tu realizuar si teknika të ndryshme në gjininë e tekstilit si: tapete, sixhade, gobelin etj.
Leon Cika paraqitet me dy foto artistike me ngjyra, me dimensione 70 x 100 me pretendime të mirëfillta profesionale. Brilanta Kadillari paraqitet po me dy foto artistike në monokrom me motive nga jeta duke pretenduar në to këndvështrimin origjinal të saj.
Mira Kuçuku sjell tre punime në qeramikë të glazuruar, dy prej të cilave janë me ngjyra të qarta dhe dekorative, ndërsa e treta është vazoja dekorative e vendosur mbi një mbajtëse të realizuar në teknikën e hekurit të rrahur. Vasiliev Nini ekspozon nëntë skulptura dhe bocete disa prej të cilave i ka realizuar në ambiente dhe sheshe të ndryshme në SHBA ku ai ndodhet, në teknika të ndryshme si bronx, mermer e materiale të tjera. Hajdar Denjolli merr pjesë me katër kuadro si projekt ide për tu realizuar si teknika të ndryshme në gjininë e tekstilit si: tapete, sixhade, gobelin etj.
Leon Cika paraqitet me dy foto artistike me ngjyra, me dimensione 70 x 100 me pretendime të mirëfillta profesionale. Brilanta Kadillari paraqitet po me dy foto artistike në monokrom me motive nga jeta duke pretenduar në to këndvështrimin origjinal të saj.
